انه المختلي باحزاني ولاثام
ولا ثمة شخص مثلي ولاثام
شربت اذنوبي لو تدري ولاثام
خذت عقلي وبقيت بلا وعية
من عيني الدمع يهــمل وســـالي
راح الجان الي سلــوة وســــالي
الناس نجوم يا صاحــبي وسالـي
كمر نوره يتلالـــه علـــى الثريــا
جثير تحملت لاجـــلك وداريــــت
ودمعتي تلوج بعيونــي وداريــت
الدنيا لو جـــفت عنــــي ودارت
اريدنـــك تجي وتحـــن عليــــة
انشدك يا حلو الاوصاف بس تان
اريــدن مــن الوجنـــات بستـــان
حبــك زرع بــالــدلال بستـــــان
الثمر للغيــر وانا الضـــيم الـــية
مثل الشمع عودي ســال منـــي
والمصايب للمصايـب سلمنــي
جني همـومــك علي سالمـنــي
ولا كلبــك يحـــن مــرة عليـــة
الكلب يسال عليك وانت داري
من بعدك وين اروح وانتة داري
اني طول العمر جنت اسهر واداري
وانتة تال الوكت اتخون بية