والنت
حبيبي اجروحي لك تالي اليل ونت
لئن برغي الكلب مفتوح والنـــت
ادور عليك بلقاعات والنيـــــت
وينك يا حلو بس رد علية
الدهر وياي مرمرني.. وسني
واني شاب خلص عمري.. وسني
احب الشيعي والكردي.. والسني
لان كلهم هذولة اخوان الية
وحگ عيسى وحگ موسى ويونس
لعبكم حيل يعجبني ويونس
وإذا لعبوها من نشأت ليونس
إذن بالدرب دمعه سعوديه
احبابي شلون حالتكم بعدنه
شبيدينه والزمن عنكم بعدنه
اذا انتم نسيتو احنه بعدنه
بذكركم كل صباح وكل مسيه
سعيد النام ليلة بگلب صافي
ويا گلب من هموم الدهر صافي
عگب ماچان دمع العين صافي
خبط من يوم فرگاكم علية
سجل حبك ترة بكلبي ما مستحته
ويظل طبعة نبع صافي ما مسحته
وجهك بالكلب منحفر ما مسحته
ويبقه هذا الحب للدوم بيه
يسركلبي سرورك وانتشارك
وانه كالطير عندك وانتشارك
لحط همي ويهمك وانتشارك
عليك البجي وانه النوح اليه
ماكو خلل بية ولاعيب
ولااعرف الحجي الملوي ولاعيب
وعذولي لاخجل يعرف ولاعيب
ترة العيب من تجسر علية
سلالتكم نسب يوسف نسبها
الدنيا بغير نظراتك نسبها
الاوادم عشره بالميه نسبها
بس نسبة جمالك سبعميه
لجل عينك لشد رتبة ملازم
ويلي بحبك اظل اطبع ملازم
اذا مارايدني عوفني ملازم
الف واحد يذب روحة علية
بيوتي امطبكة بمرمر وقصراي
صلاتي الواجبة انهملت وقصراي
القزم شيكول من يحلف وقصراي
يضل للدوم مايطول اشوية
جرح الروح مالمني الم بي
ودمع العين وين اگدر الم بي
انة گلبي قمر وعيوني الم بي
لجل عينة فتحن فضائية
لعب بية الزمان شلون ميمر
وجفة عني العزيز وبعد مامر
الحنضل جرعتة وكلت مو مر
المر فراكك يالغالي علية
يلي بهمك ملابس لابستني
وثوب الحزن بيدك لابستني
رحت لا صالحتني لابستني
ولاكتلي جذب حقك عليه
اكطع من خدودك ورد واشتم
ولا ادري شبقالي من العمر وش تم
مرخوص سبني كل ماردت واشتم
شتايمكم ثواب لوالدية ترة
اليحبج تيه اليمنه يساره
وصفينه بعيد عن احنه يساره
اسمج بوسط روحي يساره
وهسه انتي بعيده شلون بيه
گلبيهة
اجتي الورقة يمج گلبيهة
دشوفي شمكتوب بيهة گلبيهة
انة گلبي ا لچ طاوة گلي بيهة
اشعلي النار حيل وزيدي بية
اذا كلبك علي صرح صراحة
مقيد كلبة مايطلق صراحة
اتريد الصدك واحجيلك صراحة
ترى اهواي كمت اتعيل بية
وانت ناسة
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه
رخة جسمي علمودك من رخصتك
واسومن بيك غالى من رخصتك
دست فوكاي دكلى من رخصتك
حته براحتك تسحك علية
اريد اكتب رسالة بحبر من دم
وعلى عمري الكضيتة وياك مندم
انة شما ضحيت للطيبين مااندم
بس اندم عالصديق الخان بية
بنيت ابيوت بالشعله .. وسومر
ووجهي من التعب مولح .. وسومر
الناس اتدخن اگريفن .. وسومر
وانه التتن ما طاحن بديــــه
لسانك لا اكصة كاظم اني
واضل للغيظ دومي كاظم اني
يل تسال علية كاظم اني
شريف ومذهبي وكلي حمية
نص احترك من جسمي ونص طاف
بغيابك غرك نص مني ونص طاف
يريت المدرسه ترجع ونصطاف
وبمكان العلم ناخذلك تحيه
الرئيسية 
التسجيل 
دخول 
27/09/07, 12:54 am