لا تقبل عذر لليعتذر مولاي
الشمر من يعتذر ما تنفع اعذاره
وكفوا وي عدواك ساعت التنفيذ
ولمن صوبك دفعوله كفارة
تلكيت المنية ومبتسم للموت
جنك حاتم ومتلكي خطاره
الناس الرضت تعطش وانت جنت الماي
كاتلها العطش وتحفر بياره
الى كل اليجي ........
كلوله اليجي لا يحط تمثال
ما نحترم كل التماثيل
وننصب من ثلج للطاغي تمثال
وبس تطلع شمس من وحده يسيل
انا بدم الوطن متحني ما خاف
وما متلطخ بدم المجاتيل
الواحد من تغير كلشي ما صار
نص الشعب هذا يريد تبديل
وعنك يا وطن مجبور ادير العين
لان بعض الشعب حب الوطن شاله
ركضوا عالصنم جا بيه صفر ينباع
ومن طاح العالم محد ركض شاله
أمن يا وطن مبيوع ليكدام
انبيعك بأي سعر لليدفع دلاله
ابن وطن برى ومن سمع فرهود
حرامي امسلفن من أمريكا وداله
أمن يا هو اليجيك يبوك
يبيعك بأي سعر لليدفع دلاله
ابن وطن برى ومن سمع فرهود
حرامي امسلفن من أمريكا وداله
ليش اسكت بعد وانت على هذا الحال
شاعر بيده قلمه ويرجف شماله ؟!
الشاعر وصل دوره بثورة العشرين
ما كفه القلم ظل يكتب بفاله
الما يدري اقتنع يوسف كلاه الذيب
واليدري سكت خايف على عياله
الما قبلوا علي من جنت اسب إبليس
ركضوا صفكوا للكام غناله
تنطي اليا حلك وعالشجر بس عنكود
وكلمن على الحدود امحضر سلاله
اشمالك يا وطن ما بيك مثل حسين
وما لازم احسين امبارك خياله
رب البيت ساكت والحرامي ايبوك
وخاف البيت يطلع تالي مو ماله
ليش تعوفه ذاك الدمه لجلك طاح
وامجلب بواحد كل فضل ماله
اهل ( يا ليتنا) ولو جنتوا ويه حسين
جا ذبحتوا كل البقا من عياله
اذن يا ليتكم ما كنتوا موجودين
جا محد تجرا يلمس خياله
نامي جياع الشعب نامي
انتي بحيدر الكرار محروسه
وبهيأت أبا ذر جايك ابن العاص
لا تستعجل لجف ذلك تبوسه
الهوسه مكانه ثورة العشرين
مو ياهو الي يجي وسويتلك هوسه
يهودي الجايك وحاسبها الف حساب
ذبحنه بسييف باجر ياخذ افلوسه
الرئيسية 
التسجيل 
دخول 
26/09/07, 02:14 am
