وين إتريد توصل ؟
***************
ناغيت الحبيب إبلهفه وابشوگ
من يحجي يذوب إبصوته الارواح
ردت أوصّل إلگلبه گلي شتريد
وين إتريد بيه إبحرگه شو صاح
رجفت وماعرفت إشلون أحاچيه
غزال أولو نُفَر وإشلون ينلاح
غيّرت الحچي بس كون أراضيه
وأهيس گلبي بين چفوفي شو طاح
يمكثور الملامه شوگي تعذيب
إلك عمري بهواك اليوم شو داح
يبو طبع الترافه أورقه العين
إنقفل عمري أوهواك اليوم مفتاح
القساوه ما أظنها إتلوگ وياك
يالطبعك محنه اويروي قداح
ولك حبني وتبغدد دوم وياي
يالعطرك مسك واشتمه فواح
خليني إعله خدك شامه أضويك
يالخدك إمورّد چنه تفاح
يابسمة ثغر ترهب ظلام الليل
وأتجيب بمحنه شوگ مصباح
أحبك ... واليصير يصير يهواي
أموت آنه تظل بس كون مرتاح
إجمعني بحنانك بيدر إهموم
واذا تلتذ اريد تصير مرواح
طِشني أو لا اكلك لا تطشني إشبيك
وبعاصف ثجيل أوهبة إرياح
أحبنك وگلبي بحرگه يبچيك
ولعد مبچاي حتى الطير هم ناح
يا كعبة أحزاني الصرت أطوف إعليك
چا ليمت تيجيني إتصير أفراح
أطش عمري إعله عمرك ترضه يا هواي ؟
واذا ماترضه أطشن الف وضاح
يالوح الورد لا تقسه وياي
إجيتك وارد اعشگك عشگ فلاح
ابيعنلك ودادي هاك تشريه
ما اخسر وحگك حبك ارباح
بس اوياي انت تعذب الروح
لو مثل الخلگ مسبيه أرواح
يالحبك صواعق مهلكه وضيم
علي نزلت واگلك راح مني الراح
الرئيسية 
التسجيل 
دخول 
26/09/07, 12:07 am