مات الوطن

موضوع: مات الوطن 25/09/07, 11:48 pm

[size=16]لأن,,, مات الوطن

لأن مات الوطن والشيعوه شمّات

وكَدام الجنازة الذيب يتبختر

لأن شمس الظهر لفلف وجها الثام

مهضومة النوارس بالدمع تسكر

ومن طاح الكَمر مغشي عليه بالليل

شالنه المناير طافي مايفتر

ولأن مامش ندامى وماتوا العشاكَ

جفه وشالة خمرته الكاس واتكسّر

لأن جف النهر والملح مد رجليه

غابت بالسواد انجومه تتعثر

لأن وجه الصبح.. مصبوغ جير ونار
جودر ليل الليل بينه ويمنه دكَ انكَر
لأن صاح الطبل ... خفّت عليه رجلين

ذبح روحه الوتر.. واتوسد الخنجر

لأن اخرس وكتنه وصفكَوا عميان

كبر راس المهرج واعتلى المنبر

ولأن باتت الحنه ابجف عرس مبتور

فاض الدم طبع عالبوب جف احمر

مخالب دم تخط عالبوب خط احمرررررررر

ممنوع الحلم بالوطن...ممنوووووع ـــــــــــ خط احمر

ممنوع الوطن حت بالحلم ...ممنووووع ــــــــــــــــــــــــ خط احمر

[/size]

موضوع: رد: مات الوطن 26/09/07, 03:33 am

[color=mediumturquoise]مشكور حمنددش على الموضوع

تقبل تحياتي
[color:c5b8=mediumturquoise:c5b8]tmara