تعليم الفورمات بالصورررر للوندوز اكس بي

السلام عليكم


احبابي اكيد الكثير من عدنا ما يعرف شلون يفرمت.. لازم يودي الحاسبة لو لشارع الصناعه لو لباب الشرجي .. وهناك اكو علس يعني شغلة اتخوف
زين احنا اشبينة ما نعرف انفرمت ؟ هية شغلة كللش بسيطة بس انت من تودي الحاسبة لأبو الحاسبات يكوم يتفلسف براسك
انتبه على هذا الشرح .. وركز لان هاي الشغلة مال فرمته ضروري تتعلمها
الشغلات اللي تحتاجها بالفرمتة
1 - سيدي أي اصدار لWindows Xp
2 – سيديات تعاريف الحاسبة يعني مال الشاشة والصوت .. الخ
3 – سيدي برامج منوعة اللي تحتاجها يعني الظرورية مثل انتي فايروس
وتشغيل الفديو والصوت ... الخ
4 - سيدي للأوفيس حسب حاجتكم اله )الوورد)


السيديات هاي امكومة بالمحلات مال حاسبات اني اشتريهن من شارع الصناعه لأن رخيصات
ومظبوطات .. والتعاريف مالتك اذا امضيعهن نزل برنامج اسمه Driver Genius
البرنامج يقوم بقراءة الجهاز واسترجاع التعاريف من الجهاز مباشرة وتكوين ملفات تعاريف تكدرون تحفظوها بسيدي هاي بكيفكم بعد

وهسه نرجع للنقطه الرئيسية وهي عملية الفورمات وتنصيب الوندوز ,,
اكو جم واحد عبالهم عملية الفورمات راح تمسح كل ملفاتهم وهالشي غلط
الفورمات يمسح Drive C اللي عليه النظام بس الأغلبية عنده Drive D و E و F وتكدرون تستخدمونهم للتخزين لانه بعملية الفورمات ما راح نحتاج انه نفرمت كل الـ Drivers بس الـ C اللي مثبتين عليه النظام فلا تخافون أبدا من عملية الفورمات الظرورية للجهاز كل 3 أشهر على الأقل ,, اكو ناس تمر عليها سنين وما تفرمت وهالشي غلط عملية الفورمات كل 3 أشهر عملية ظرورية لإعادة الحيوية للجهاز ,, واللي ما عنده غير الـ Driver C خلي ينسخ ملفاته الظرورية على سيديات وإتباع الخطوات بالصور .. لأنشاء تقسيم للهارديسك فيكون عنده أكثر من مكان للتخزين ,,
أول شي اتسوون وضع سيدي الوندوز داخل الـ CD/ROM بعدين تسوون Restart اول ما يشتغل الجهاز وتظهر الشاشة السوداء راح تلاحظون تحت كلمة BOOt From CD اهنا ضغطو أي زر ليشتغل الـ BOOT من الـ CD هذا كله بالنسبة لأجهزة الـ Desktop أما بالنسبة للـ Laptop اول ما يشتغل الجهاز تحركون السهم لليمين وتختارون الصورة اللي عليها شكل سيديات وضغطو إنتر وتابعو كلكم هاي الصور وركز ويا الصور فدوة لكلبك














اهنا هسه ادوس على زر انتر راح تطلعلك هاي الشاشه

بعدين ادوس على انتر لتنصيب وندوز اكس بي
بعدها راح تطلعلك شاشه اضغط على زر للفورمات راح تطلعلك هاي الشاشه



























__________________________________

اللي مفتهم ع الشرح هاي برنامجين مال تعليم الفورمات

البرنامج الاول : لتعليم الفورمات لوندوز 98
صورة البرنامج



اضغط هنا للتحميل


البرنامج الثاني : لتعليم الفورمات لوندوز اكس بي
صورة البرنامج



اضغط هنا للتحميل




حــســن البــغــدادي

هاي شنو حبيب اشو عصبي تعال فد مرة اخذلك راشدي .. هع هع


حبي هسه انتة تعرف اتفرمت ... اكو غيرك ميعرف هذا الموضوع للي ميعرفووووون يفرمتون


تسلملي على مرورك حبي